يـــــا بـــحـــر ...

يا بحر ...

يا بحر...
يا الموجك بكَّى إم
الغايب
عن وطن دوَّب سهر
وفرَّق حبايب
يا بحر .. قلّي
كيف قسيت عقلب سهران
لايب؟!
كيف قسيت عوسعك
المجنون؟!
وعرملك الدايب؟!
غدرك وجّع حلم
ببكرا منوَّر
وبأمل سرحان ...
وعرس سايب
■■■
شنطة حنين
هديوك لمَّا فلّوا
وشنطة موت هديتهم ...
وتابوت !
موجك الغدَّار
خزّق مكاتيب شوقن
ووشوش سمك كاسر
يلمّن
ووشوش الحانوت!
بغربتهم حلَّفوك ما تخذل
وعد
وأنت لوَّنتو بدم الغوالي
وبجسد مرمي ...
مزتوت !
يا بحر ...
غدرك كتب حكاية حزن
ما بتنتسى لآخر نفس
لوقت نموت!
ولعنة وطن رح تلحقك
ورح يلحقك غضب
بيروت!

هذه الفصيدة بالعامية مهداة الى أرواح ضحايا الطائرة الاثيوبية المنكوبة.
عمر القاروق النخال